(امه انا جالي عريس)
امه انا جالي عريس يامايا
امه انا جالي عريس
شكله ايافة ومنظر يامه
لسه مخلص جيش
قال هافرشلك شقة موبيليا
وهاجيب بدل الحاجة اتنين
وادفع مهرك ذي مايطلب
واكسي اخواتك لو عاوزين
قولى لابويا يوافق يامه
قولى ماتتكسفيش
حد ياأمى بيرفس نعمة
حد يقول للعيد ماتجيش
ده اللى بيرفض ذى ده راجل
يبقي صحيح درويش
قولى لابويا يوافق يامه
قولى ماتتكسفيش
ذى ماقولتى لجدي زمان
قولتى بحب وماخوفتيش
خلي ابويا بس يوافق
وانا هادعيله انشالله يعيش
شعر/ احمد حلى
ليست هناك تعليقات:
إرسال تعليق