الشمس غضبانه
،،،،،،،،،،،،،،،
يا شمس مالك غضبانه علينا لييه
والا ذنوبنا كترت قولتي تطهرينا؟
والا الرتوش غطا الوشوش وبزيادة
قولتي تشيليه فى الضُهريه وتعَرينا
؛
؛
ياشمس ياطالعه الصلعه منك والعه
وفي العرق تاهت وإنسرقت الدمعه
ربع الهدوم لابسينه والباقي قلعينه
والقلعه حرانه حتى وهيي قالعه
؛
؛
والأخ بتاع الأرصاد بينفخ في الكير
وع الشاشة بيتكلم كإننا في أمشير
والناس عماله تموت والدولة بتعتم
وكأن اللي ماتوا دول حبة حمير !!!!!
؛
؛
وناس عماله تبلبط في شرم ومارينا
وناس عماله تبلبط في عرق يغطينا
يارب إنت اللي عالم بحال العباد
إرحمنا يارب برحمتك يارب ونجينا
،،،،،،،،،،،،،،،،،،
الشمس غضبانه
بقلم الشاعر يوسف الحمله
16/8/2015
ليست هناك تعليقات:
إرسال تعليق