كنا اتفقنا ...هاله العكرمى ...

كنا اتفقنا

.....

كنا اتفقنا

ماحد يوم يفرقنا 

لكننا ..

صعب علينا حبنا

وبايدنا مات القلب جوه حلمنا

كسر جدار الشوق 

واتبدلت افرحنا تانى بهمنا

.. كنا اتفقنا..

نحفظ عهد للعشاق 

نضم أشواق القلوب 

نخاف على بعض ..

من غدر الزمن وفراق

نلضم حبات السعادة ف لقانا

نعيش لحظة هنا ف هوانا 

وان جه ف يوم لحظة بعاد

تودعنا 

مسير الحب فى قلوبنا هيجمعنا 

بس الحقيقة ان الزمن خداع ..

يزيد أنين وجراح 

ويكسر الامل فى ألف جناح ..

وأنا عصفور حزين

ماليش غير زقزقة وتغريد ..

وقلب بجناحه يرفرف على طيره ..

يتمنى يشوف الفرحه ف عيونه ..

فينبض الامل ويزيد ..

يا أنا 

معاك العمر أتمرد

أصبح أجمد م الحديد ..

مادم الحب ف قلوبنا 

ما يقدر موج يغرقنا ..

وﻻ يبعدنا عن مرسي 

لضمه و فلة ع الخدين ..

هاله العكرمى

...