بقلـــــم: عـــــادل الشـــــهــابى " فـــى حُبهـــا "

فـــى حُبهـــا

فى حبها بلاش تلومونى ...

لو شفتوها أكيد هتعزرونى ...

فيها ده جن جنونى ...

بحبها هيكون ردى لو سألتونى ..

وهشيلها فى قلبى وعيونى ...

هى اللى قلبى حبها ...

وبسرعه سلم لها ....

حبيبتى ودايب فيها ...

ومشتاق لنظره عنيها ...

أو لمسه حنان من إديها ...

حبيبتى تعالى أحكيلك ...

وفى ليلك اكون أنديلك ...

حبيبتى أنتى يا هوايا ...

بعشقك وأنتى كل منايا ...

بحبك أيوه وبجنون ...

وفى حبك قلبى أنا مفتون ...

وبعترف لكل الكون ...

مش هبعد عنك مهما يكون ...

بسهر يا حبيبتى فى ليلك ...

وتوب الفرحه أغزلهولك ...

وكلام الحب أكتبهولك ...

مع ورده حمرا أقدمهولك ...

يا حبيبتى يا حياتى أنا ليكى ...

وأثير أنا ضى عنيكى ...

وبدعى ربى يراعيكى ...

فى حبك أنا مجنونك ...

وفى قلبى أكيد راح أصونك ..

تعالى نعيش ايامنا ...

ومع بعض نحقق أحلامنا ...

وليلنا حبيبتى يكون زى نهارنا ...

ومع بعض يحلى سهرنا ...

بقلـــــم: عـــــادل الشـــــهــابى