الغلابه
علي طريق الخال
.....................................
الغلابه سلعه تجارها كتير
أرض بور إنتاجها خير
أغلى سلعه ...................
باعوها معدومي الضمير
لجل كرسي البرلمان
تلاقي أحبابهم كتير
اللي راح يبني مدارس
واللي راح يبني مشافي
واللي راح يرصف طريق
واللي راح يجيب وظايف
بحر وهم والغلابه وحدهم
فيه غرقانين .................
وعود معدومه الضمير
طبله بتغمي الغلابه
حتى اللي قاعدين
علي الكرسي الكبير
ريس ...........وزير
....................................
الغلابه ناس كتيييييير
أرض بور مليانه خير
إزرعوها وأحصدوها
ليه تاخدوا خيرها
وتلعنوا ميتين أبوها
...................................
الغلابه هما مين .........
الشقيانين التعبانين .........
اللي عايشين في البلد متغربين .......
اللي إنتوا شايفينهم وبا
يا كدابين ..................................
الفلاحين..................
كرهوا الزراعه في أرضهم
باعوا ورثهم .....................
شقا جدهم ..................
قولوا مين هيزرع بعدهم .......
ملعون أبوكم ..................
مين اللي غير طبعهم ......
الغلابه موظف الدرجه الاخيره
الغفير اللي فرشته في خدمته
حتة حصيره .............
والعسكري إبن الشويش اللي ليلته
في زمن ميت الف ليله
والعاطل أبو عشرين شهاده
متعلقه علي كل حيطه
البياعين الجوالين
والصنايعيه الغلابه المطحونين
هما دول إدين ورجلين البلد
هما دول الضهر والحيط والسند
هما دول نبع المدد
هما دول اللي مصر لما تتوجع
أول ما بيشيل الكفن ..............
مصر صايب جلدها حبة عفن
..............................................
عصام دويدار
ليست هناك تعليقات:
إرسال تعليق