زفت الطين حضــــــــــرتى واقـــــــف فى المــــــــرايا
حبيت اتقى شـــــــــر نفســـــــى وانا متغــــــــــــاظ
واعمــــــــــــل انى مش شــــــــــايف نفســــــــــــى
لقيتنى مبحلـق لى قلت اصبح وصبحت علي نفسى
وقلت وانا فى قمة الغيظ والاحبــــاط صباحـك قطــران
وباين علي كنت فــــايق قــــــــوى ورديت عليــــــــــا
وقلت لى صبــــــــاحك زى وشك لا يزيد ولا يقـــــــل
عن السنه الكبيسه قلـــت لنفسى الله يسد نفسك
والله ما انا خــــــــــارج ومش ح اغســـــــــــل وشى
ولا اسرح قــــــدام الهبـــــابه اللى اسمها المــــــرايا
فاقترحت على نفسى اعمل كوبايتين شاى لحضرتى
ولنفسى يمكن ربنا يهدينى على الهبـــــــابه نفسى
وفجــــــاءه عطست قلـــــــت الحمد لله رب العالمين
وطبعا غبائى حتـــــــى ما قالـــــــش يرحمــــــك الله
لكن قلت لنفسى عنـدك برد وبلاش تقعد على النت
احسن تعـــــــــدى اصحابك واقعد فى البيت اكرم لك
بدل ما القـــــى الف كـــــف نازل يرف على قفـــــــاى
ولا كام زجاجه تشلفط وشى وانا مش ناقص شلفطه
وبصــــــــراحه اول مـــــــره انصـــــــــــح نفسى صح
مع انى كل مره اوقع اهلى واللى خلفونى فى حفره
وقلت للنفســــــى شكرا ياسيــــــــــدى رديت وقلت
ربنا ياخـــــدك زى ما ياخد السنه الهباب ولانى مؤدب
سكت وكمــــلت نوم والنوم افضل من عكننة سيادتى
وبدل ما افش غلى وغيظــــى واضربنى بكوب الشاى
فى وشى وانا عارف ان اخــــــــرتها انى مضطـــــــــر
اشتـــــرى مرايا تانيه على ايه النــــــــــوم افضــــــــل
*****************************************
بقلم / وهاد الطاووس
وجدى ابراهيم مصطفى
