أنــا .. والـنـَّـفـس .. والـذ ِّكــرَى ...
***
من كلمات
**
الطبيب الشاعر المصرى/ د. محمد رزق
*
*
***
من كلمات
**
الطبيب الشاعر المصرى/ د. محمد رزق
*
*
صِراع جـوَّايا بين نفسى ،
وبين يأسى ،
وبين مكتوب على جبينى
بـِـيـِـتحاوِر معَ الـذ ِّكرَى اللى بـِـتحاوِل
تِـعَـطــَّـل ســير
مواكِـب شمس جـوَّايا ،
وتِـفرِد غـيمَـة عَ الحاضِـر ،
وفوق بُـكرَة اللى مِـش مِـوجود ،
ومِـش آتِــى ..!
وبـِـيهاتـِى بـِـعِــلو الصــوت ،
ينادينى ..
أنــا المخطوف ..!
أفادِى الروح بـِـآخـِـر نـَبض جـوَّايا ،
وآخِــر قـُــول ..
أنــا المَـقـتول ..!
بـِكِـلمِـة حـَـق من صـُـلبى ،
ومن قلبى اللى عاش مجروح ..؛
يداوى الجرح مِـش طايـِـل سَــما المَـوَّال ..!
وفى التـِّـرحال ..؛
بـِـنِـتخـَـبَّـط على موجـِة أسَــى تـِـطرَح
أنين مِ الخوف ..؛
وبَـحر التـُّـوهَــة بـِـيلاطِــم
عيون بـِـتشــوف
دموع البحر بـِـتـمَـدِّد
على رمل الأسَــى وتنام ؛
حَ تـِـدفـَـع كــــــام ...؟!
يـِقايـِـضـنى ..؛
على سِــرِّى اللى بات مَـكشـــوف ..
أنــا المَـلهـــوف ..!
على صُــحبـِـة زَمَـن تـايـِه فِ عُـمـر الآه ..!
ومَــوَّالـِى ..؛
أمـَل مـكتـوب فِ كـُـرَّاسِـة سنين فاتِـت ،
ومِـش حَ تعــود ..؛
ولاتِـقـدَر تِـبادِلنى بـِـيوم تانى ،
ويـِـملانى الحَـنـين لِـيـها ،
واتـوه فــيـها ،
ونِـتصـــارِع ..
أنــا والـنـَّـفـس والـذ ِّكـرَى ..؛
مَـعَ الـمَـكتـــــــوب ...!*
*
