- خاين
وبحبك راقعت السور
وبجبك عديت بحور
خاين
ياللى عيونك سحر وشجون
وحضنك حكاوى وسكون
حلمنا نهد الجدار
وبحبك فتحت صدرى لكل غدار
خاين
ياللى بعدى عنك شبه الانتحار
كنا عيال سمعنا غناوى ع الناى
سمعنا الخال ابوزيد زمانه
غنينا ف صبانا ورمينا الخوف ورانا
خاين
صبحنا كبار وحلمنا بانتصار
جلنا الزمان وعليكى الحب هان
وبيتفرقوا الجدعان
ومات الخال والغنى صبح محال
خاين
ياللى بحبك بعدى بحور
انا الكافر
بكل من عدر وخان
بكل اللى جوع بطون العيال
بكل من هان عليه الدم
بكل من زاد الهم بالناس
انا الكافر
بكل غدار واللى خالى حلمنا منهار
خاين ......... كافر
ويبقى حبك بالقلب
يا ام عيون كحيله
يا من حبك اجمل حيره
يا ساحره الوجدان
باقيه وباقى حبك ف الكيان
من الصبى للممات
وما نورث غير ه للعيال
خاين
ويبقى حبك يا وطن
محيوا محال
ابراهيم عبدالله
