بقلــــــم: عـــــادل الشـــــهـــابى " البنــــت المصريــه "

1. البنــــت المصريــه

بيسألونى إيه رأيك فى البنت المصريه ...

قولت فى الوفاء سفيره وفى سفارته دبلوماسيه ..

ودى قلب أبيض وكله حنيه ..

وفى خفه الدم بتفوق العالميه ...

بنت بلد وعلى الصعاب قويه ...

ولشيل الحمول أكيد جاهزه ومستعديه ..

دى لو حبت بتحب بضمير ...

وبتكون مع حبيبها مهما الدنيا عليه بتميل ..

دى أصيله مش بتاعة قصص ومواويل ..

تلاقيها فى الشده ب 100 راجل ...

ولو ضحيت علشانها صدقنى دى تستاهل ...

الله عليكى يا بنت بلدى ..

يا فل و ياسمين يا ورد بلدى ...

بتوقفى وتقولى أفتخر إنى مصريه ..

بنت بلد وشهامه وشخصيتك قويه ..

أيوه مصريه وبحضرتى متغطيه ..

أنا مصريه بنت الهرم والنيل ..

خالتى سومه وعمى العندليب وخالى زويل ..

مصريه والشرف تاجى ...

بشرف الأرض اللى رجلى بتروح عليها وتيجى ..

أنا مصريه فى المواقف تعرفنى ..

بنت جدعه وسمعتى أكيد تشرفنى ..

أقرأ عنى فى الكتب والأساطير ..

بيتغنوا بجمالى وشرفى بيدرسوه لكل جيل ..

أنا اللى مشرفه العم والخال وليا قلب جميل...

بيسالونى عن البنت المصريه ...

قولت قلب أبيض وكله حنيه ...

بقلــــــم: عـــــادل الشـــــهـــابى