( سكة سفر ) ـ بقلم الشاعر / إسماعيل ذكى

سكة سفر

رحنا ولا جينا
كل واحد فينا
له سكة سفر
بكيفها بتمشينا
تبعنا تشترينا
مافيش حاجة بادينا
دى حكمة القدر
ولكل واحد سكتو
وضحكتو ودمعتو
حسب نصيبه وقسمته
فيه طريق يبدا بديق
ونهايته سالك
وفيه طريق يبدا صديق
والباقى هالك
فيه سكة فيها
الخطوة تحسب
وسكة فيها
المر تشرب
وسكة تكسب
من غير متتعب
وفيه طريق يرجعك
والخطوة تهرب
والدنيا فيها المبتلى
واحد نزل وواحد على
وكله راجع للسفر
وفى السكك
تشوف العبر

اسماعيل ذكى