( محتاره ليه ) ـ بقلم الشاعر المبدع / عصام دويدار

محتاره ليـــه

...............................
محتار بتدور ع الفرحه
وشاغل بالك ليل ونهار
لو تمسح عينك م الدمعه
هتلاقي الحزن في لحظه إنهار
....................................
محتاره ليه
وعنيكي ليه بتسأل عليه
إنتي لازم تبقي عارفه
أي دمعه خساره فيه
...................................
إللي باعك تشتريه
وإللي شاريكي تبيعيه
إنتي ليه محتاره ليه
صحي قلبك علميه
يقتل الحزن إللي فيه
كملي مشوار حياتك
وإللي عايزاه هتلاقيه
....................................
بكرا أحلى
لما نتعلم وننسى
يلا نبدأ من جديد
الفرحه زي الشمس طاله
بس نورها من بعيد
..............................
علي أيه نحتار
ونعيش في مرار
وندوس ع النار
ونضيع عمرنا بإدينا
دا العمر شهور
وشبابنا النور
والنور هيضيع من حوالينا
محتاره ليه

بقلم / عصام دويدا