ثابتين على جسر الدهب
***********
واقفين على جسر الدهب
والماضى فات والذكريات ليها العجب
وسط الدروب لحظة غروب وبدون سبب
إبليس حضر فى قلوب حجر بان الغضب
باعوا أهل وباعوا دار باعوا التراب زى اللعب
ضربوا النفير مات الضمير خالفوا المصير اللى إنكتب
وسط الفصول من غير أصول دقت طبول حرب الأدب
بدأ الدمار بدأ الحصار يا أهل عار والغدر ليكم مُنتسب
وسط التراب ظهرت وشوش زى الوحوش - صوتكم هرب
وإتبدل الخوف بالأمان وإتبدل الصبر لغضب
واقفين على نفس التراب ثابتين نعافر فى العذاب
وإرتحنا فوق جسر الدهب
محمد سالم
