ده عيدى معاك
العيد خلاص اهو جالهم
وعيدي بس في قدومك
احسها ف احضان قلبك
مرسومة بالحب عيونك
ولجل ما انت عنى بعيد
مكملة لسه انا ف الصوم
ومن ثم مفيش اعياد
ومش راح افطر ابدا يوم
ومن ثم مفيش ضحكة
ولا دعوة بانها ليا تدوم
ومن ثم مفيش فسحة
يا فسحة بالي من اي هموم
ومن ثم ماهيش فارقة
صاحية ولا هروب ف النوم
وتكبيرة آدان العيد
هسمعها لما ليا تعود
وتقوللي وحشتيني
يا بنوتتي وتكويني
وتجيبلي من الفرح ورود
وصورتك تملأ نور عيني
وآخد منك ميت .....
عيدية لما هتجيني
لكن لحد ما ده يحصل
انا والفرح متخاصمين
جناين قلبي راح تدبل
اما تلاقي العين ف العين
واياكش ايام العيد كلها ترحل
ده عيدي معاك .. اومال مع مين
#من_وحى_حرفى
