صاحب الكلمه لما يموت
في لحظه يموت وراه الموت
عشان الموت طريقه سكوت
وصاحب الكلمه صاحب صوت
..........................................
بنسمع بعده أشعاره
ولما الموت بيختاره
يموت جسده لكن بيعيش
عشان بيعيش بأفكاره
.......................................
نصيحه لكل من في الارض
حياتنا زي شاشة عرض
والدنيا فيها مسرحنا
هدفنا فيه نكمل بعض
.......................................
بنكتب للي بعدينا
تاريخ شايفينه بعنينا
زي كلامنا عن سينا
ومين حرر أراضينا
ومين ضل الطريق فينا
وإمتى الليل يبكينا
........................................
بقلم / عصام دويدار
