( كان ليا صاحب ) ـ بقلم الشاعر / عصام دويدار

كان ليا صاحب

كان ليا صاحب
بس صاحب مش جدع
باع إللي بينا
عشان يزودلي الوجع
.................................
هانت عليه عِشْرِةْ سنين
وزي كل الكدابين
ديما بيسأل من بعيد
مين إللي خلاني حزين
...................................
إنسان غريب
حاجه على هيئة بشر
من غير ضمير
مريض وحالته كتير خطر
..................................
في الشعر لما بكتبه
بقدر أعاتبه وكلمه
وفي الحقيقه لما أشوفه
بخاف أقوله أو أحرجه
.....................................
بسكت وأنا بسمع كلامه
وبرد بس أخبارك أيه
ديما يمثلي ف آلآمه
وناسي هو عملي أيه
.......................................
كان ليا صاحب
بس صاحب مش جدع
باع إللي بينا
عشان يزودلي الوجع

بقلم / عصام دويدار