ابريل ياللى أولك كذب و إنت نيسان
و فى سته منك قالوا إننا ثوريين
ثاروا و هتفوا و قالوا يسقط الظالمين
و بقيت ذكرى يحتفل بيك على مر السنين
أحزاب و راأحزاب خرجت و قالوا مستعدين
نضحى بروحنا و دمنا علشان الأرض و الطين
علشان نحرر بلدنا من المستبدين
الناس اندفعت فى كل الميادين
تهتف بحرقه يسقط حكم الجبان
سقط النظام وجه نظام الشجعان
قلنا الجيش و الشعب هيحققوا الأمان
فاتت الأيام و لا شفنا أمن و لا اأمان
قالوا يسقط حكم العسكر حكم عنان
سقط الحكم و جابوا الإخوان
قلنا هيحكموا بالدين
و الدين منهم زعلان
الكل بقى م النظام تعبان
الكل طول الليل سهران
يحمى ولاده و يحرس الجيران
ضيعوا الامن و الامان
واللى خرجوهم م الليمان
حرقوا.. دمروا .. سحلوا النسوان
و فى الاتحاديه بقى صابر عريان
اتجمعت احزاب سموا انفسهم انقاذ المصريين
قالوا احنا اللى هنرجع كرامة الانسان
و الكل بيحارب ع الكرسى التعبان
قالوا علينا حزب الكنبه فى العسل نعسان
يارب بالمصطفى احسب لنا صبرنا فى الميزان
لو قمنا هيكون الطوفان
و يقولوا وقتها يا ريت اللى جرى ما كان
