لملمت تاني الورق .. بقلم ياسر الغايش

لملمت تاني الورق
رتبت صفحاتي
عن حلم تاه واتحرق
في وسط اناتي
سطر اللي كان اتفرد
ع الجرح واتمزع
لا لقيت له لحن اتعزف
والفرح متمنع
اه يا زمان الشقى
وما عدشي عندي حيل
اشيل تقيل وانحنى
وتذدني حسره وويل
عمر اللي راح هوهبه
للي باقي له جناح
يقدر يفوت خطوته
ويطير لدنيا براح
وترد له بسمته
يرجع ليومه النور
سطر العذاب خطوته
حافظ لاوجاعي
ولو رميت الودع
يصرخ مالوش داعي .. بقلم ياسر الغايش
وادي اللي فاته القدر
ع رصيف نوحه
مل انتظار الامل
لما دبل نوحه
والحزن لينا امتلك
وصبح لنا راعي

ياسر الغايش