حسن الصبايا دوا/بقلم/الشاعر عيسى عبدالرؤوف

حسن الصبايا دوا
للعين وللننى
والقلب لما إتروى
سابنى وشرد منى

رمش الغزال دباح
وسهمه ياناس صايب
وقلبى ف هواها راح
ف العشق أنا دايب
عيونها بحر غريق
فيه العسل صافى
أشرب أنا ع الريق
بلسم ياناس شافى
والصدر جبال من دهب
مابينهم كمان وادى
أنا عقلى منى ذهب
مشيت وراها بنادى
والغصن عود ملفوف
ع الخد تفاحه
ولمسة حنان بكفوف
ياجمالها فى صباحه
والشعر ليله طويل
والفم كالعنقود
أنا قلبى مايل ميل
ومافيش مابنا حدود
قالوا الحبيبه منين
أنا قولت من بغداد
أجمل بلاد رافدين
الله عليها بلاد
فيها الشهامه والطيبه
فيها الكرم وافى
الله عليكى حبيبه
على راسى وكتافى
وتحيه لكركوك
والموصل مع البصره
هناك أخويا وأخوك
ياميت ندامه وحسره
هناك سحابة صيف
مسيرها هتعدى
وترجع بدم خفيف
بلون جميل وردى
===================
الشاعر عيسى عبدالرؤوف