تسلم أيديك يابن مصر الحر
ماتخاف عدو ولا محن ف العمر
أبن الرجال وتعاند الآقدار
تحمى التراب وتلبى قوام الآمر
أبنى وأخويه وصحبى وكل شئ ليه
بلدك فعينك صاينها مهماالليالى تمر
ولدى ترابك أمانه تشيلو جوه عينك
وأفدى بحياتك ترابك دى مصر أم الكل
تسلم أيديك يابن بطنى تسع شهور حملاك
جتنى وليد بعد شوقه وللبلد ندراك
وهباك ياولدى للبلد حامى
وكنت سندى وللزمان شيلاك
تحمى تراب البلد جدع وأنا عرفاك
أبنى وفؤادى رحلت ودمك سال
وعلى رمال العريش دم أخويه هناك
حارب فى رمضان وضحى من قبلك
واليوم بتكمل رسلتو ومت وأنا مشهداك
لفوك بعلم العظيمه وبيه متكفن
نصبين عذاك كلهم وكنت بتقبل
مبروك عليكى الولد يامصر
وعمار يامصر وأبنى التانى هناك
ندرتهم ليكى خمس ولاد خلفى
ولا يعزو عليكى روح يابنى أنا مسمحاك
ولدى بزغروده بتتودع وسبع مدافع بتضرب
تحيه فى يوم مثواك
ولدى رفعت راسى فى عنان السما
شيفه الملايكه صحبه وأهى محطواك
شهيدى عريس السماء أمانه ف الجنه
تلاقى قبلك حبايبك بلغ سلامى هناك
لو شفت سيدى النبى بلغوه رسالتى
قولو ياسيدنا النبى أمى بتقولك
صابره فى فراق الغالى وأتمنى
يكون شفيعى معاك
صبره للرحيلك ياولدى وما تعظم على بلدى
ولو كنت أقدر كنت حملت السلاح وياك
مبروك ياولدى الشهاده يابطل
كان نفسى أكون وياك
ليست هناك تعليقات:
إرسال تعليق