عيد ميلاد الشهيد
النهارده عيد ميلادك*** بس مش موجود معانا
كنت تطفى الشمع بايدك*** طفته دموع الحزانا
كنت صاحبى وابن بلدى*** كنت اغلى من ضنانا
النهارده عيد ميلادك
النهارده الكون بيهتف *** عيد ميلاد عبده الشهيد
كل عام ندعى يا ربى *** يرزقك عمره المديد
عيد ميلادك السنه دى *** عند ربك احلى عيد
النهارده عيد ميلادك
ولعوا شمعه لحبيبنا *** لا تلاته ولاعشره ولا ميه
الشموع مش كل حاجه *** الشموع مش دى القضيه
القضيه شمعة حياتنا *** شمعه صبحت منهيه
النهارده عيد ميلادك
افرحى يا ام البطل *** اوعى حزن فيوم يهدك
انتى يا ام الشهيد **** الكرامه عند ربك
الكرامه فيوم عظيم *** فى الجنان وهو جنبك
النهارده عيد ميلادك
النهارده جتنا بشره **** ابنكم اصبح شهيد
نبكى مره ومره نفرح **** فرحه تسوى الف عيد
ايوه شايف بسمتك **** بسمه جايه من بعيد
وريحه حلوه معطره **** دايره ف بيوت الصعيد
ندهت عليه انت الولى **** قلى لا عبده الشهيد
النهارده عيد ميلادك **** بس مش موجود معانا
بقلم \ االشاعر عبدالعاطى حسين
ليست هناك تعليقات:
إرسال تعليق