محتاج لقلب يشدنى
من غير ما أقولو يحسنى
يكون طبيب وكمان مداوى
وفى الجراح يضمنى...
يكون معايا مش عليه
وفى الالم يحس بيه
ان غبت عنه القاه يقولى
ارجع بسرعه وحشتنى
محتاج لقلب يكون بجد
مش اى قلب يهدنى...
محتاج لقلب يكون كبير
وفى الغرام صاحب ضمير
يخلى قلبى معاه يطير
لما القاه ويحسنى...
اكون حبيبه ويكون حبيبى
ان مد ايده يلاقى ايدى
يبقا الحياه وكل اللى فيها
محتاج لقلب يهزنى ...
ولو هقول هقول كتير
محتاج لقلب يكون كبير
قلب موجود ف البشر
قلب حبه يودنى
محتاج لقلب يشدنى
وائل الجزار
ليست هناك تعليقات:
إرسال تعليق