كل كعبة رب ليها
ادعينا الرب بينا
واحنا موتنا الاله
هو نيتشة ولا جوتة
كان معلمهم وتاه
شرع ايه اللى انت واخده
مرتبة بتنام عليها
كل حلم وانت ثيب
والدماء ملعون أبوها
كل فيل من فوقه طير
كل كعبة رب ليها
النهاردة كم حصادكم
احسبوها
البلاد ملهاش نصيب
من إلهكم
ارجموها
هو دينا يبقى دينكم
اخربوها
احنا وحدنا الاله
صنموها
صهينوها
ماسينوها
ربنا رب السلام
ربكم رب انتقام
فاقتلوا النسمة اللى هبة
واقتلوا زهر الربيع
انتوا بعتم
شقشقة فجر بجمالها
واختبأتم ف الضلوع
تنسفوا قلب الطفولة
تنسفوا الوجد الرضيع
كل دينكم تحسبوها
كام ف جيبكم
هو سهم البورصة طالع
ولا نازل
مين حبيبكم
غير عميل بيقوم يغازل
هو دينكم يبقى دينا
مستحيل
دينا خير وخيول بترمح
ف المحبة والأصول
دينا رحمة ف وسط زحمة
دينا أسوة مش بقول
دينا نول
ما يهد غزله
دينا خطوة ف ألف ميل
للحياة
دينا آه على أم ثكلى
دينا روح بتعول نجاة
دينا عرف واستجابة
للدفاع عن ضل تاه
دينا أرض لحاف وقوت
دينا حوت
للى بخرب ف البيوت
دينا دين رب السماء
رب رحمة قبل عدل
رب سلم مش حروب
رب توبة مش خطوب
رب واحد للبرية
رب عمره ما كان مفصل
على الهوية
وحيد راغب عضو اتحاد كتاب مصر
ليست هناك تعليقات:
إرسال تعليق