سواق سياحه
إهداء إلى الأخ :فاروق النجار
سواق وداير فى البلاد سواح
مهمتى أفرج السياح
ع التاريخ اللى راح
كل يوم ف بلد
زى ماترسى الريح
لا بفكر فى اللى جه
ولا اللى راح
ماالدنيا معايا براح
أنام بس مش مرتاح
ماأنا سيب الوليفه
والواد سامح
والبت سماح
آكل طقه والثانيه بلاش
راضى و صابر ع الغربه
عشان أوفرللعيال
وجانا اللى جانا
ومبقاش فيه سياح
والقرش راخر راح
وقعدنا فى البيت
لاشغله ولا مشغله
ولا البال مرتاح
والضنك صاب البيت
والست ماإتحملت
و100 خناقه وخناقه
والبيت قادت فيه النار
طلقنى مدام مش قادر تأكلنى
ساب البيت وهج
واترفعت قواضى
حتى العيال انحرم منهم
ياناس أنا مش
بخلان على ولادى
هج محدش عرفله طريق
ما السياحه بقت نياحه
استفدتم ايه
يااللى خربتم حال البلد
وخربتم بيوت الناس
بقلم: محمد حجاج
ليست هناك تعليقات:
إرسال تعليق