ألف أه
أه هقولها للمسؤلين
أه هقولها عن جداره
لأى مسؤل جوه وزاره
ولا شياخه جوه حاره
أه وفى حلقى مراره
على مسؤلين عن شُعبهم مش مسؤلين
لا مسؤليه ولا حتى دين
أولدنا مدرسهم بقت جوه البيوت
والمدارس غطاها العنكبوت
والمستشفيات فيها حاجات
هجروها الدكاتره للعيادات
وبقت مرتع للزواحف والحشرات
ولا مكاتب التموين قاعدين ومربعين
وبخدمتهم مش موجدين
ورشاوى بيخدوها من سنين
وتقولى هيمسكوا المخالفين
طب والرشاوى يخدها مين
أه وفى حلقى مراره
من مسؤلين جوه وزاره
ولا شياخه جوه حاره
أركب قطار الغلابه
هتلاقيهم أخر كأبه
محشورين منشورين عالرفوف
وريحه تزكم كُل الأنوف
يجرى منها حتى خروف
أه وفى حلقى مراره
أدخل أى وزاره وأملى أستماره
هيعطلوها عن جداره
لازم توقع من ألف أداره
وألف ختم من الفروع
كلام موظف من كتر جوع
وكلام ممكن فيه الرجوع
لو خد مقابل من تحت كوع
أه وفى حلقى مراره
الشعب بيطلب التغيير
من الوزير للغفير
هتغير مين ولا مين
الكل نايم فى التكيه
مش متحمل المسؤليه
ماهو متعين تبع المحسوبيه
مدام بياكل المهلبيه
أبقى سلم على المسؤليه
ولكى ربى يا بهيه
بقلم كابتن |سعيد عبد العزيز الحاجه
ليست هناك تعليقات:
إرسال تعليق