ترنيمه وتغريده
صوت كتسبيح اليمام
يرتل هوه ننه يارب تنام
وادبحلك جوزين حما م
ترنيمة الأم لأبنها
تغريدة ما أبدعها
تهدهده ليهدأ. وينام
ماالنوم راحه للأبدان
ساعات يستسلم للنوم
وساعات يعاند ما ينام
هى اللى تستسلم
من كد طول اليوم
ساعات يغنى بكلام
مش باين منه كلام
ينزل على قلبها بردوسلام
وساعات زى البهلوان
يضرب ويرفس بالأقدام
يابنى نام
خلينى أشوف الغسيل اللى فى الحمام
يقولها مم تجرى على المطبخ
وتنسى اللى فى الحمام
يارب اجعله فى ميزانها
وعوضهاعنه بجنة الرحمن
واجعل رفيقها فى الجنة
محمد خير الأنام
بقلم:محمد حجاج
ليست هناك تعليقات:
إرسال تعليق