((أاااه يابلد))
أاااه يابلد..يا أُم الجلد
الغدر فيكى... إتولد
ياخد حبايب قلبنا
ياخد امالنا وعِزنا
ياخد العزيز ..ياخد السند
وأاااه يابلد
*****
شوّهتو دين المسلمين
يا اهل الضلال يامجرمين
ياما كنا فيكم مخدوعين
وقلبكم لله جحد
وأااه يابـلد
*****
بكّيتو عين الامهات
وكسرتو قلب الابهات
يتّمتو اولاد وبنات
خالفتم الواحد الاحد
وأااه يابـلد
******
لكن اسمعوا يا اهل التتار
لآ مش حنقبل أى عار
ولايكون الموت جدار
يامصر أولادك كبار ..يامصر أولادك كبار
وفى الشدائد تتحد
وأااااااااااااااه يابلد
*****
عبدالله ابو النجا
ليست هناك تعليقات:
إرسال تعليق