نفسى بقلم الشاعر/ أشرف أيوب

نفسي...

نفسي اكتب 

ع الورق ضحكايه...

تشوفها العين 

ما تنزلش

منها دمعايه...

نفسي ارسم 

لبكره اجمل بدايه..

تبتدي من تاني

احلي حكايه..

نفسي 

ماكرهش نفسي...

نفسي

اكسر جدار ياسي...

نفسي

انسي امسي..

اسمع 

من تاني صدي همسي...

نفسي اسطر 

سطور من نور..

تنور 

طريقي العتمه المهجور..

نفسي 

احب من جديد..

قلب ابيض 

مش اسود عنيد...

نفسي

اكون موجود..

زي طفل لسه مولود..

نفسي

ماخفش من بكره..

لو خوفتني 100فكره..

نفسي...

بقلم

اشرف ايوبِ