لملموا جثة ضنايا
لملموا جثة ضنايا
واكتبوا كلمة شهيد
ع القبور اللى ف ترابها
سكنوا ابنى الوحيد
اكتبوها بدمه هو
والى جاى من الوريد
واللى لوتحليل حصل له
يلقى حبى فيه اكيد
ايوه ابنى اللى ف وفاته
مش جنازة الف عيد
عاش بيهتف وف هتافة
صوت اسد جبار عنيد
كل كلمة منه تحكى
قصة الحب الفريد
اللى ذرة منه تكفى
تبقى ثروة للحفيد
اللى جده لسه عايش
ده لانه مات شهيد
لجل مصر تعيش عزيزة
ارض بحرى او صعيد
مهما كان القتل قاسى
عزم ابنى من حديد
خلعوه توبه اللى لابسه
لبسوه توبه الجديد
لبسوه توب الشهادة
ف النعيم هيعيش سعيد
جنب سيد الخلق طه
النعيم وياه يزيد
بقلم/ ياسر التونى
ليست هناك تعليقات:
إرسال تعليق