=============الحق الخجول ==========
---------------------------------------------------------------------
انا مش ح اقول
ان الحق
كان واقف خجول
مستنى ورا ضرفة افول
ساحب من القلب الوصول
وان القمر ساعة ما مد
خطوته مشلول
كان نفسى اغامر باخر امل
وانول
ساعة الرضا
او لحظةنور
افتح شرايينى اللى عفنت
من السكات
ومن خوف الاوليا
فى سجدة ممات
لساه الصبح خايف م الحيات
ومن اللى شاريين عمرنا بالسكات
با فرد سجاجيد التقى
جوا عيون كل الولاد
يمكن اشوف الفجر
ساعة صحوته صلوات
تمد فى قوة ضعيف
بيتهجى
حروف وطن عمره ما مات
لسه اسفلت الميدان
بيردد...الاهات
ويحلم
بالولاد الشقيانين والمظلومين
يحلم باجمل ذكريات
الضلمة مش فى الليل
ولا فى السبات
الضلمة حروف فى دساتير الولاه
تسرق من الامل الحياة
============محمد عبدالمقصود داود =========
ليست هناك تعليقات:
إرسال تعليق