الشهيد ولدى
قلبى السليم اتوجع *** على موتة اولادى
بكوا الرجال والنسا ***وعندهم عادى
دمع الحزن انهار *** ذودتوا اوجاعى
يا حزن ذيد وذيد غطى على فرحى
قلعت توب الفرح ولبست توب جرحى
كل يوم بيموت ولد وادفنه بيدى
امانه يا ارضى تحرسى ولدى
مقدرتش احميه وهو على ضهرك
وهو باع عمره عشان تراب بلدى
طلعت من بيتك فرحان ومتهنى
عمرك ما خفت الموت ولا قلت امتى ارجع
بس ما جاش ع البال ترجعلى شيلينك
وانا اللى مستنى تشيلنى فى كبرى
يا فرحه وانكسرت جوه قلب الام
يا زرعتى انتا اللى اتحصد بدرى
العيد اهو قرب كان نفسى ابقى معاك
لبست توب ابيض ورحت على مولاك
طعم المرار جواى وازاى هعيش بلاك
يارب صبرنى على فراق ولدى
يارب صبرنى على فراق ولدى
بقلم \ االشاعر عبدالعاطى حسين ..................بس الحمدلله اخدنا التار والصوره دى إهداء إلى أهالينا أهالى الشهداء
ليست هناك تعليقات:
إرسال تعليق