ياحبيبتى الدنيا صيام
.
ياحبيبتى الدنيا صيـــام
ياحبيبتى كفاية حــــرام
جمالك فــــوق العادة
شربات حلاوتة زيادة
بــــدر يـــــوم التمـــــام
.
ياحبيبتى الدنيا صيام
.
طــول مــا انتــى قدامــى
هــا تضيعـيلـى صيـامــى
لما بغمض عينى
بلاقيكى بردو فى منامـى
ضحكة مــنورة احلامــى
.
ياحبيبتى الدنيا صيام
.
ياحبيبتـى ايـــة الحــل
ياعـود ريحـــان وفــل
حلاوتك دى ربانى
ياقمــر عليـــنا بيهــل
يابسمة مجنينانى
دايـــب ياســـت الكـــل
.
ياحبيبتى الدنيا صيام
.
خفـى شـــوية الحنــان
احنا عشرين رمضـان
دنا لما بشوفك
بنسـى انـى عطــشــان
ولما يجى طيفك
بنسـى الفطــار كـمــان
حتى ساعت السحور
اشوف عنيكى اكون رويان
.
ياحبيبتى الدنيا صيام
.
اروح مــن جمــالك فـيــن
يا اجمل مـن قمــر الديـــن
ياضحـكة علــى الخــديــن
كلامك حساس ورقيق
يا ام العــيــون حـلــويـــن
.
ياحبيبتى الدنيا صيام
.
ياحبيبتى ابــوس ايديــكـى
شوفـى حــل فــى عنيكــى
داريهم فى رمضان عنى
الصيام هايضيع منى
ياحبيبتــى اللــى يخليكــى
.
ياحبيبتى الدنيا صيام
نــظــرة ثـــم بــوســـة
ياحبيبتى هاتبقى حوسة
ياحتة كنافة
دايــما شايفـك عـروسـة
يارقة ولطافة
مــن العــين مـحـروسـة
اية اللى بيجرالى
دى الشياطين محبوســة
يا ارق من الغزال
واحلـى مـن البسبوســـة
.
اللهم انى صايم
.
ياحبيبتى الدنيا صيام
.
طب اقولك حل تانى
اعملى مش شيفانــى
ولما انادى عليكى
اعملى مش سمعانـى
.
ياحبيبتى الدنيا صيام
عليكى انا مـش اهـون
ياقــلب طيــب حنــون
لو لحظة مشوفتكيش
اكيد هــاكون مجــنون
.
ياحبيبتى الدنيا صيام
.
اقــولك ايــــة ولا ايـــه
حبى مش عارف اداريـه
رقة وحنان ملاك
تنجى من الهلاك
جميلة وبحبك يابنت ألأيه
.
ياحبيبتى الدنيا صيام
.
المشكة مش فيكى انتى
المشكــلة انا يــا امــرتى
انا اللى عينى زايغة
بحـبك مــوت ياحبيبتى
.
ياحبيبتى الدنيا صيام
.
عشان مايضعش رمضان
انـا هـقرأ كتـيــر قــــرأن
واعمل خير كتير
لما ينتهـى شهــر الاحسان
ياحبيبتى وانا وياكى
انـا سـعــــيد فــــرحــــان
وجودك فى الحياة معايا
سعادة وامــل واطمــأنــان
بس تبتسمى بحس بالامان
.
ياحبيبتى الدنيا صيام
حنيتك حاجة مش غريبة
كلك رقة وحنان وطيبة
مليكان فى الاسدال
وجميلة جدا فى التحجيبة
ياحبيبتى الدنيا صيام
.
تاليفى /اسامة جمال //حلوان
ليست هناك تعليقات:
إرسال تعليق