الى الأمام.
( أستاذ ) سألته مين ( عُمَر ) ؟ ...... قال لي الشريف ؟!
.
قلت ( الفاروق ) ............. قالي ( الفيشاوي ) آه أكيد !!
.
قلبي وجعني على البلد , وعلى التاريخ ................
.
على دين حَمَلنا رايته ............ على عِلم صار اليوم بعيد
.
.
( الجامعه ) تشبه ( للسواقي ) في الحقول ... !!
.
فيها علوم لتاريخ قديم , كان للرومان .............. أو للمغول
.
ومافيش جديد لشبابنا ممكن يعرفوه ويعيشوا فيه
.
زمن ( السيوف ) اتعلموه , زمن ( الغُزَاه ) بقى بالطبول !!
.
صبح السلاح ( أطول سِنَج ) بيقلدوا طبعا أكيد
.
( ترافولتا ) صبحم يعشقوه ...... وشبابنا صاروا له فلول !!
.
.
.
تقرا ( رسالة دكتوراه ) تلقى ( الأدب ) جواها تااااااه
.
و(بيسرقوه ) من بعضهم ,,, ويشيلوا اسم المخترع !!
.
تلقى المؤلف صار وريث , لكلام مايعرف له حدود ....
.
وان حب يشرح للكلام , هايحط خوفو في الشِمال , مش منقرع !!
.
.
لو شاف كلامي اليوم ( أديب ) يترك معاني أنا قلتها ...
.
ويقولي ( بحرك ) دا اسمه أيه ؟ ويقول ( ثلاثه ) ماينفعوش
.
وفي بيت نلاقي ( أربعه ) !!
.
اكتب لي انت بلون جديد , ان شالله يصبح لون فريد
.
علمني فيه معنى الحياه .. اشرح لي فيه ( سورة الحديد ) ؟!
.
دا الدنيا صبحت ( معمعه ) !!
.
.
أستاذي طبعا أعرفه , من همسه تظهر أكشفه
.
( الضبع طبعاً / مصطفى ) ....أو ( جوده , نايب للأدب )
.
حتى الاله جعل الأسامي ( مصطفى )
.
و ( الضبع ) طبعا يبقى ( أبوه ) والاسم ربك له كتب !!
.
والجامعه فيها المعجزات , و ( الجوده ) طبعا من الكرم
.
( مبروك ) لابوه ,,,,,,,,,,,,, ولكل ( أم ) تشوف تَعَب !!
.
منهم عرفنا المستحيل ,,,,,,, أسلوب بينفع ( للعليل )
.
امسك حواسك كلها , لو حَد فيهم ..... قام خَطَب ؟!!
.
بيخافوا يوم .. يوم اللقا , يوم الحساب
.
فين العلوم , فين النِّعَم , فين الأمانه ..... ياعَرَب ؟!!!!
.
.
في ( الطب ) تلقى كتير عَجَب , ومافيش طبيب بيفيد مريض
.
وازاي يفيده لو شَكَا .................والغش أصلا في الدوا ؟!!
.
لما العلاج بقى فيه مرض , ويزيد ( حلاوه ) في العَرَض ...
.
يبقى الطبيب راح يعمل أيه ...... وتضيع حياتنا في الهوى !!
.
و( اللحمه ) صبحت بالجرام ... والكيلو فيها بالدولار
.
راح نستلف , وهانعمل أيه ؟ ... بعديها تطلع من ( حُمَار )!!
.
وازاي ولادنا هايفهموا ؟ ... فين ( الجينات ) ؟
.
والشاب يشبه ( للعمود ) طبعا أكيد , ماهو أصله واكل ( كوم خضار ) !!
.
.
مين الي يعرف للبلد أصل وجدود ؟
.
مين في السياسه محترف , والعدل يعرف له حدود ؟
.
سيبوا السياسه وابعدوا , واطمنوا , أو ماتخافوش؟
.
دا لكل واحد له مقام , ربك عطاه , والأصل نابع من جدود ...
بقلم/ حمــــــــدي القُرَشـــــيْ
ليست هناك تعليقات:
إرسال تعليق