من غير ما نتكلم...بقلم / محمد ضباشه

1. من غير ما نتكلم
2. عنيا بتفهم عيونك
3. من غير ما نتكلم
4. وقلبى بيعشق سكوتك
5. ودنيا الصمت بتعلم
6. جوايا سكنت بنظرة
7. وقلت يا معلم
8. علمنى لغة السكوت
9. من غير ما القلب يتألم
10. رميت شباكك خدتنى
11. ومن نظرة خدتنى عنيك
12. ولما طالت شوية
13. دوبت بروحى فيك
14. ونسيت كل كلامى
15. ووهبت نفسى ليك
16. وحبيت معاك الصمت
17. على سفينة النظرات
18. ودنيا بشكل تانى
19. سماها كلها كلمات
20. تفهمها لغة العيون
21. والقلب يزيد دقات
22. وينسى صوت الكلام
23. الخارج ولا الطعنات
24. أنا ياما سمعت كلام
25. وباقى منه أيه ؟
26. حبة حروف متلخبطة
27. وملوش دوى يداويه
28. كافر بجد فى زعلة
29. وخصامة كتاب يحكيه
30. لكل خلق الله
31. وعنى مغمى عنيه
32. أنا ياما ضاع عمرى
33. فى سمع كلام فاضى
34. خارج ومتساوى
35. ولابس وشاح قاضى
36. أتارية منظر وبس
37. وتاه مع الماضى
38. حتى قلبى اللى كان
39. معاش معاه راضى
40. بقلم / محمد ضباشه
41.