بنيت قصرين
بنيت قصرين علي أرضك
من الاوهام
يا مصر كفايه أنا في عرضك
تعبت كلام
...............................
في قصر بنيته بدراعي
حجارته وطوبه أوجاعي
سكن قصري بلا داعي
واحد تاني لوا دراعي
..............................
قالي الجنه سكتنا
يا تبقى معانا يا تسيبنا
خرب بيته علي بيتنا
وطلعت جنته خيبتنا
...............................
وبعد ما سبت أنا قصري
شاوروا عليا قالوا فلول
وبعد ما كنت أنا الأصلي
بقيت كافر بقيت مقتول
........................................
بنيت القصر من تاني
طردوني وقعدوا في مكاني
بقيت بندب علي حالي
أنا إللي طلعت إخواني
................................
عشان واقف ماسك كشاف
بنور عقل ناس بتخاف
بنيت قصرين بلا أهداف
ودم الشهدا راح ببلاش
دم الشهدا راح ببلاش
...............................
عصام دويدار
ليست هناك تعليقات:
إرسال تعليق