هو انتى مين يابلد
هو انتى أمى ولا بس مرضعة ؟
هو انتى لغز ولا حسبة مضلعة ؟
انا كل ماجى اخديك فحضنى
حاجة تنزل على ضهري ملسوعة
تنزل دموعى مش عشاني
عشان لقيتك رغم زللى خانعة
هو انتى مين يابلد
اقول اسافر
تطردينى
احن وارجع تهمليني
وانا رغم جوعى اشم طينك
القاه ريحته مشبعة
وعاجين رغيفك عمره مايشبع
وعيال فشارع متجوعة
اسمع يقولوا النيل دا نهري
ومية بدفع ثمانها شهري.
انا نفسي مرة تحني ليا
تصفي وليا تروقي
ليه تنكرينى وتكشرى
ولغيري ديمآ تتزوقي
هو انتى مين يابلد.. هوانتى امي ولابس
مرضعة
انا نفسي منك اي عزر واصدقوه
او حتى كدبة مقنعة
شعر..... احمدحلي
ليست هناك تعليقات:
إرسال تعليق