قلبــــى ســـامحنـــى ... يقلـــــــم: عـــــــادل الشــــــهـــابى

قلبــــى ســـامحنـــى
حبيبى معقوله أنا هونت عليك ....
للدرجه دى كُنت لعبه أنا فى إيديك ...
فين لما كنت تقولى انى الضى لعنيك ..
كنت أنا البسمه اللى تترسم على شفايفك ...
كنت بتغيب عنى بقلبى أكون شايفك ....
كل ده خلاص راح ....
ودموعك كانت دموع تمساح ...
بكدبك شغلتنى وبأيدك زوت الجراح ...
هقولهالك عمرك منى ما هتنول السماح ...
قلبى أهدى وبلاش آنين .....
إبتسم وبلاش يشوفك حزين ...
يا قلبى عارف إنك منى واخد على خاطرك ...
أأمرنى يا قلبى وهكون تحت أمرك ...
صدقنى مش هى دى النهايه ....
يا قلبى أنبض وخليك عايش جوايا ...
ياقلبى سامحنى وبلاش توجه ليا اللوم ...
يا قلبى سامحنى علشان عنيا ما يجفيها النوم ...
خلاص مفيش حب يا قلبى من بعد اليوم ...
بس تعالى هنا بقا وقول الحق ....
مين فينا ليها اللى رق ودق ...
مين فينا اللى قال هى دى وغيرها لاء ...
عموما بعتذرلك يا قلبى وبقدملك ورده ...
وبقولك أنها ماضى خلاص وعدى ...
يا قلبى سامحنى وبلاش بقا معانده ...
صدقنى هى اللى هتكون ندمانه ...
ومن السهر هتدبل عيونها النعسانه ...
لازم تقوى يا قلبى وتقوينى معاك ...
بلاش تنسانى فى يوم علشان أنا ما نساك ..
يا قلبى بلاش يكون عتابك ليا أخره هلاك ...
سامحنى يا قلبى أنا بترجاك ....
يقلـــــــم: عـــــــادل الشــــــهـــابى