( نظرة رضا )
و قصاد عيونك يا حبيبتي
ألف عاشق ولهانين
طلبين و لو نظرة رضا
طلبين يكونوا قريبين
من قلبك النسمة الندا
من بين عنيكي الجراحين
و عملت من توبك مقام
و الكل بيطوف حواليكي
مدين إيديهم ... يطلبوا
لمسة من وسط الزحام
وقفت خيول تشحت سلام
علي بابك العالي المقام
كل المشايخ أجمعوا إن الغرام
من غير عينيها يكون حرام
و اللي يستاهلك صحيح
لازم يكون عاشق صريح
لازم يكون هو الضريح
لازم يكون يملك زمام
و يثبت أنه فارس همام
يا أيها الخلق أفهموا
دا عيون حبيبتي في البعاد
دايما بتديني المداد
هي اللي بتخلف رجال
هي اللى بتعلم ولاد
حب الوطن حب البلاد
وهي جنة العباد
بقلم الشاعرة/ سماح محمود
ليست هناك تعليقات:
إرسال تعليق