قصيدة بياع الكعك
===========
يابياع الكعك املا فى صاجاتك كمان وكمان
بسمنة بلدى وعجوة والحشو برضه جنان
اشكال كتيرة منقوشة لعروسة قمرة فى الكوشة
وعريس يقدمه مهر حبيب وفيه محبة ومية بوسة
ويطلبوه كل العرسان فى كعك محشى حنين وهيام
منقوش كده ده ما بين قلبين بحاجات كتيرة تملا العين
أساسه ود وحب كمان وبيعشقه جميع الخلان
الكعك يعنى رجولة ياناس والكعكة يعنى انوثة تتباس
بيدخلوا ده فى فرن جواز ويعيشوا شركاء كده فى الغاز
الكعك ده عجين فى شكل قلوب واساسه نفحة للمحبوب
يربط بشدة ما بين اهلين والعيشة تحلى مابين اتنين
يا كعك بلدى كده منقوش ياكلوك وتنفخ كده فى كروش
الكل يعنى بيحبوك سادة ومحشى اكيد اكلوك
دقيق وزبدة معجونة فيك وعجمية حلوة دى بتحشيك
مهضوم لشعر وكمان وصلعة والرك برضه كده عالصنعة.
يا كعك بلدى وبوشين اكلك ينور الخدين
يا كعك سكر بودرة كمان معمول بدقة وباتقان
يا كعك محش بعجمية تفتح قلوبنا بشهية
يا كعك معمول كده قراقيش فى الطعم برضه زيه مافيش
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
ليست هناك تعليقات:
إرسال تعليق