تفريغة هم
-******
ياما عانيت انا فيكى يابلدى
وكمان كاس المر شربته
حتى ف لحظة نفريغ همى
شعرى انا فيكى بدمعى كتبته
وكمان عمرى انا فوق اراضيكى
بعدد كسرك ليا حسبته
بس عشان انا بعشق اسمك
بقلم اسود قمت شطبته
مهو مش ذنبك ان ولادك
نسيو تعب ف حياتى تعبته
طب وايه يعنى م هو المغرم
لازم يغفر ذنب حبيبته
ناقص بس تحسى بابنك
بعد م بان الهم ف شيبته
حتى الجرح انا لما ف مرة
جيت من قهرى عليه وحاسبته
قال وانا مالى هو انا غاوى
اسمع صرخة قلب صاحبته
شوف مين سبب الجرح الاصلى
رحت لسبب الجرح عاتبته
رد عليا بكل بساطة
عارف مين اللى انت خاطبته
هو القدر اللى انت لايمكن
يوم هترده ولو كدبته
قلت ونعم برب العزة
قدره النافذ واعلن توبته
قلبى اللى من الهم اتحطم
وكمان صبره هو ضريبته
ربنا قادر يصرف وحده
عن مظلوم ف عباده مصيبته
*********************** ياسر التونى
ليست هناك تعليقات:
إرسال تعليق