ذكرياتى
*******
ف صغرى كنت انا بعشق
اردد ف الطابور مقطع
(بلادى )ونبرتى تعلى
تدوى فى الفضا وترجع
وتسكن تانى جوايا
كأنى الحضن والمرتع
واستاذى يعاتبنى
بلاش صوتك كده ترفع
ياواد خضيتنى والله
وصوتك ليه كما المدفع
يقول له حضرة الناظر
د حبه للبلد يشفع
ولما الفصل يجمعنا
واستاذ الحساب يجمع
الاقى طرحى من بلدى
د بيساوى عيون تدمع
ولو حتى ف احلامها
قالولها علمها متقطع
وييجى مدرس العربى
وده طبعا كان الامتع
يردد فى نشيد وطنى
الاقى نفسى انا بسمع
وبتخيل حروب بلدى
ومين فيهم كان الاشجع
ولما يقولو مين يرسم
علم بلده اكون الاسرع
لانى باختصار قلبى
لحب بلادى مستودع
بقلم...ياسر التونى
ليست هناك تعليقات:
إرسال تعليق