(حبيبي معاذ)
سمعنى يامعاذ ضحتك خليها
زى صوت الفجر عندى
خلينى أحس بطعمها خلينى
أشوف فى عنيك ملامحى
كنت بستناك بشوق لما تيجى للحياه
جيت ونورت الحياه ربنا يحميك ياولدى
ضحكتك هى الأمل اللى
اترسم بلون الورد على خدى
لما بشوفك تبتسم ليا
الحياه ابتسامه لونها بنبى
وانت ماسك لعبتك شايف ياولدى
ضحكتك وفرحتك جوا فى قلبى
يلا أكبر خلى كل الدنيا تفرح دنتا فيها كل أملى
خلى صوت الفرح عالى والقلب فى فرحك يغنى
انت أغلى من حياتى انت طيف نورها وسعادتى
انت بستان المحبه دنيا حلوه ولونها وردى
قلبى بيرفرف لصوتك وانت بتلعب وتجرى
تلاقينى بجرى وأحضنك وأخدك فى حضنى
واضمك وانت من نفسى وخدنى
ربنا يحميك وتكبر وتقف ياحبيبى جنبى
اهداء الى معاذ خالد متولى
بقلم الشاعر سامى رضوان عبد الوهاب
ليست هناك تعليقات:
إرسال تعليق