بين الحبايب ... بقلــــــم: المبدع /عـــــــادل الشـــــــهـــابى

بين الحبايب 
بين الحبايب حبيبتى مفيش زيها ..
لا فى جمالها ولا ضحكت سنها ...
ولا فى رشاقه كمان خصرها ...
حبيبتى جمالها مش جمال عادى ...

دى شعاع ساكن يا ناس فؤادى ...

وعلشانها الف كل حى ووادى ..

هى اللى بتمناها أم لولادى ....

حبيبتى يا زينه البستان ...

يا جوهره نادره فى هذا زمان ..

يا كل الاهل والخلان ..

حبيبتى يالى حبك فى قلبى بركان ..

يا نسمه فى صيف لحبيب ولهان ...

حبيبتى بحبك خلاص قولتها ..

أخدت صورتك وفى قلبى سكنتها ..

وعلشانك أتحدى الدنيا كلها ...

يا دنيا فرحينا وأفرحى معانا ...

أنا وحبيبتى خلاص أتوافق هوانا ...

ومع بعض هيكون يا دنيا هنانا ...

طيرى وأبتسمى يا طيور ...

وأدعى لحبيبى عمره يطول ...

وأنى له فى حياتى أنول ....

هو الهوا هو الميه هو العيش ...

هو اللى من غيره مش ممكن أعيش ...

يا حبيبى أنا غيرك فى الدنيا دى مليش ....

يا دنيا منه ماتحرمنيش ....

بين الحبايب مفيش غيره ...

هو اللى قلبى عاوز ينوله ....

وهو سهر الليل وطوله ...

قولوا علينا بقى زى ما تقولوا ...

بقلــــــم: عـــــــادل الشـــــــهـــابى