بنتي حببتي
بنتي حببتي أنا هسمع ليكي
والله زمان وانا مستنيكي
لو هتقولي العمر انا هسمع
نفسي أفكر أيه يرضيكي
لما ببص ف عينك بفرح
عمري شبابي جوه عينيكي
أفرح لما أشوفك جنبي
وادعي واقول الله يخليكي
أسمع كلمة ماما وبابا
قولي حببتي انا ملك إيدايكي
لو لبن العصفور هيجيلك
قولي حببتي إيه يكفيكي
بنتي حببتي يا ضي عينيه
كل ربيع النور حواليكي
خايف لما أسيبك وامشي
مين يا حببتي هيسأل فيكي
مين بالكلمه الحلوه يجيلك
مين بالفرحه يطل عليكي
مين هيقولك قومي وذكري
خلي كتاب النور ف إيداكي
لما تكوني البنت الناجحه
كل الدنيا هتفرح بيكي
هفضل عمري وشايل همك
حبه عليا وحبه عليكي
لما تجيبي الدرجه الاولي
أول واحد حي حيكي
فرحة ماما ساعتها كبيره
فرحه يا ساره ليها وليكي
لما بشوفك قاعده وسرحه
أفضل أدور إي يسليكي
هاتي عروستك ياله يا ساره
كل شعور ف الدنيا ألائيكي
بين اللمه ف وسط أصحابك
بهجه بترقص من حواليكي
نفسي ألائيكي البنت الشاطره
حطه كتاب الله في عينيكي
فاهمه وعرفه اصول الدين
ربي يا بنتي يبارك فيكي
ربي يا بنتي يبارك فيكي
******
بقلم / طه إبراهيم
ليست هناك تعليقات:
إرسال تعليق