انسي الماضي يالي في بالي ... للشاعر الرائع / فريد صابر

بقلم / فريد صابر
( انسي الماضي يالي في بالي )
انسي الماضي وعيش للحاضر ولا يا قلبي مانتش قادر
تنسي الماضي واللي بعوك مانتش راضي عشان ظلموك

انسي الماضي يالي في بالي
انسي في يوم انك حبيت واوعي في مرة تقولي يا ريت
ترجع تاني ومهما أسيت هافضل احبك لاني هديت
واوعي يا قلبي تحن له تاني كان ايه ذنبي ده هو اللي جالي
انسي الماضي يالي في بالي
انسي الماضي وانسي الذكري خلي الماضي عشانك عبرة
فكر معايا في اللي هايجري فكر معايا في بكرة
واوعي يا قلبي تحن له تاني كان ايه ذنبي ده هو اللي جالي
انسي الماضي يالي في بالي