قصيدة الفساد
=========
الفساد سحر العباد وبلاوى كتيرة لينا جاب
فى اى موقع وكمان مكان عشش بشدة وبدون حساب
والفقير لطم خدوده فى الكتاب وقال يالهوى عقلى دأب
الفساد يعنى فى أماكن منها تقدر وفيها ساكن
حظوظ شطارة وقلة إيمان تاخد فى رشوة حسب المكان
فى سجل مدنى او فى المرور كون فى ثروة وبدون غرور
فى الحى مهد الحنية وفساد إدارة محلية
موظفين ده كبار وصغار والعيشة صعبة وبقت نار
كله بيفتح فى الإدراج تحط فيه تاخد إفراج
وكله شعاره كده قريب وكل رشوة وانت طيب
يعنى حلال كده ولا حرام اخد العمولة باستمرار
وكيد النسا يظهر فى نهار فوزية جوزها من الأحرار
شغال فى وحدة محلية وضميره نايم يا عنيا
والعز شقة وعربية وحاجات كتيرة كده مخفية
أما أميرة المنحوسة جوزها بضميره آخر حوسة
والحاشية روعة فى حكومة وفى الوزارة ليها قومة
حظك يجيبك احلى مكان رشوة وعمولة قدر الإمكان
سكرتارية خاصة او فراش كله بيرزق وباخلاص
حظوظ أماكن حيوية فيها العمولة دى تحية
وناس تمثل كده باهتزاز وبعديها تطلب فى الابتزاز
والعدل يقضى بالانصاف مساواة فى رشوة ويبقى خلاص
لكن اللى حظه كده متعوس لا فيه لا رشوة ولا حتى فلوس
راح يعمل ايه ابن الموكوس حسد وغيرة فى قلب فانوس
عايزين عدالة إجتماعية فساد ورشوة عالمية
الكل يسرق بعدالة وهى عجلة وشغالة
وكله مرضى فى دى الحالة فساد حقيقى بأمانة
لكن الفساد يبقى حصرى مرفوض بشدة وبالمصرى
يعنى الشباب يلاقوا أشغال وتصلح كده برضه الأحوال
بالغش وعمولة ايه يعنى غيره بياخدها وكده يعنى
مساواة فى رشوة وعمولة وحياة كريمة مكفولة
أصل اعذروني انا عقلى طار فساد يجنن بإستمرار
ليه تحطموا حتى الأخيار بهوان وخسة وعيشة مرار
وشباب يفضل الانتحار واخرتها برضه كده فى النار
أدعو واشكو الجبار المنتقم من ناس أشرار
يمحى بشدة اى فساد ويرحم ضعافه من العباد
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
ليست هناك تعليقات:
إرسال تعليق