لانك بتجرح و تدبح قلوب
وباديك فرصة تانية ياريتك تتوب
لكنك بترفض و دايما مشاغب
و طالع و نازل مدوب قلوب
................................
أنا عمرى ابدا ما دوبت القلوب
ولا أجرح فؤادك فى يوم بالذنوب
ياريت عن شيطانك عقلك يتوب
و يبعد الوساوس مع صلاة الغروب
...............................
يا ناكر حبيبك و حبك معاه
و ناسى انه سايب لك صباه
و تجرح و دايما مبكى عنيه
ولا مرة سامع فى صوتى الاه
.................................
أنا عمرى ما اقدر لدمعك أكون
أنا اشتريتك و عمرى ما اخون
ولا يوم عليا غرامك يهون
أنت اللى عايش فى وهم و ظنون
...................................
لقيتك بتقول معاك الامانى
و قاسى فى غدرك و هادم كيانى
و كل اللى بينا مجرد كلام
كلامك مجرد معاه المعانى
..................................
فى كل اللى دابوا غرامك يعيش
لأنك حبيبى و غيرك ما ليش
حبيتك حب غالى عمره ما ينتهيش
لكنك بتقسى و تخليه ما يساويش
......................................
راح ابعد عشانك
و هارفض حنانك
و هاهجر مكانك
و ها عمل لحبك شهاده و فاه
...................................
لحبى هتعمل شهاده و فاه
و أنا اللى كنت فاكرة غرامك حياه
و عاملة شراعى فى بحرك نجاه
و كنت بشوقى و صلت لمنتهاه
..................................
لقيتك بترفض معايا الحياة
و جرحك مدوب فؤادى معاه
مكسر قلوعى مكسر شراعى
ورافض ترسم بسمه لشفاه
....................................
طب ارفض و انسى كل الحنان
أنا هعيش لنفسى و أكون ف الامان
وبكرة هتندم لانك بتبعد
و ترجع تلوم من تاني ا لزمان
ليست هناك تعليقات:
إرسال تعليق