( الحب المستحيل ) ـ بقلم الشاعر / عادل الشهابى

الحب المستحيل
على الفيس كان أول لقائنا ....
على الصداقه أيوه أتفقنا ....
وربنا كان فى كلامنا موفقنا ...
وفى ندوه من الندوات كان أول لقائنا ...
فى الأول سلامنا كان بالعيون ...
نظرات شوق أبدا ما تخون ....
بعدها مدينا الأدين ...
بسلام كله شوق وحنين ...
وقتها مافكرناش فى أختلاف الدين ...
ليها دينها وأنا أكيد ليا دينى ...
لكن فى عنيه ليها بان شوقى وحنينى ...
قلبى نادلها أهمسى لى حبيبتى وضمينى ...
قولى بحبك يا من بعشقك ملكتينى ...
صورتها دايما فى خيالى ...
وبيها أنشغل بالى ....
وعنها زاد سؤالى ...
الحب مفيش سلطان عليه ...
ولا حد يقدر يزرعه بأديه ...
لأنه مش حاجه ملموسه يشوفها الأنسان بعنيه ..
عارف أن حبنا أكيد مستحيل ....
وقصص قبلنا على كلامى دليل ....
لكن القلب له بيميل ...
القلب مدام بيحبها ....
يكفيه يكون دايما جمبها ...
وعن حبه بلاش يعترفلها ....
على الفيس كان أول لقائنا ...
وعلى الصداقه أكيد أتفقنا ....
بقلـــــــم: عــــادل الشــــــهـــابى