( مبسوطين ﻳﺎﺍﺍﺍﻩ ) ـ بقلم الشاعرة / سعاد قنديل

مبسوطين ﻳﺎﺍﺍﺍﻩ
ﻛﻠﻤﺔ ﻗﺮﺑﺖ ﺍﻧﺴﺎﻫﺎ
ﻫﺘﻘﻮﻟﻠﻲ ﻟﻴﻪ ﻭﺍﺯﺍﻱ
ﺍﻟﺪﻧﻴﺎ ﺩﻱ ﻳﺎ ﻣﺤﻼﻫﺎ
ﻭﺍﻟﻠﻪ ﺍﻟﺪﻧﻴﺎ ﺍﻛﺒﺮ ﻣﻘﻠﺐ
ﺭﺍﻓﻀﺔ ﺍﻟﺰﻋﻼﻥ ﻳﺘﻤﻨﺎﻫﺎ
ﺍﻣﺎ ﺍﻟﻠﻲ ﺭﺍﻣﻲ ﻟﻴﻬﺎ ﻃﻮﺑﺘﻬﺎ
ﺍﻟﺒﺴﻤﺔ ﻟﻘﻠﺒﻪ ﻣﺴﺎﺑﻘﺎﻫﺎ
ﻭﺍﻧﺎ ﺑﻘﻲ ﻗﺮﺑﺖ ﺍﻛﺮﻫﻬﺎ
ﻏﻠﺒﺖ ﻭﺍﺣﺘﺎﺭ ﻏﻠﺒﻲ ﻣﻌﺎﻫﺎ
ﻭﺍﻟﻠﻪ ﺑﻜﻮﻥ ﺭﺍﺳﻤﺔ ﺍﻟﻀﺤﻜﺔ
ﺍﻻﻗﻲ ﺍﻟﺤﺰﻥ ﺑﻴﺘﺴﺎﻫﻲ
ﻭﻳﻄﺒﻊ ﻋﻠﻲ ﺧﺪﻱ ﺷﻌﺎﺭ ﺍﺑﺪﻱ
ﺍﻧﺎ ﻳﻠﻠﻲ ﺑﺤﺰﻧﻚ ,,, ﺑﺘﺒﺎﻫﻲ
#ﻣﺒﺴﻮﻃﻴﻦ
ﺩﺍﻳﻤﺎ ﻓﻴﺎ ﻣﺨﺪﻭﻋﻴﻦ
ﻣﺼﺪﻗﻴﻦ ﺍﻟﻀﺤﻜﺘﻴﻦ
ﻫﻮ ﻛﻞ ﺍﻝ ﺑﺘﺸﻮﻓﻪ ﺍﻟﻌﻴﻦ
ﻳﺒﻘﻲ ﺻﺢ ﻳﺎ ﺑﻨﻰ ﺁﺩﻣﻴﻦ
ﻣﺒﺴﻮﻃﻴﻦ ؟ !
ﺍﺳﻤﺤﻠﻲ ﺍﻗﻮﻟﻚ ﺑﺎﺧﺘﺼﺎﺭ
ﻟﻮ ﺩﻩ ﺷﻜﻞ ﺍﻻﻧﺒﺴﺎﻁ
ﺍﻭﻣﺎﻝ ﻳﻜﻮﻥ ﺍﻳﻪ , ﺍﻻﻧﻬﻴﺎﺭ
ﺍﻻﻛﺘﺌﺎﺏ , ﺍﻻﺧﺘﻨﺎﻕ , ﺍﻻﺣﺒﺎﻁ ؟ !
#ﻣﺒﺴﻮﻃﻴﻦ
ﻓﺎﻛﺮ ﺃﻳﺎﻡ ﺍﻻﺑﺘﺪﺍﺋﻴﺔ
ﻋﺎﺭﻑ ﺷﻜﻞ ﺍﻟﻤﺮﺟﻴﺤﺔ
ﺍﺗﺨﻴﻞ ﺍﻧﻬﺎ ﺯﻱ ﺍﻟﺪﻧﻴﺎ
ﻋﻠﺸﺎﻥ ﺗﺸﻮﻑ ﺍﻟﺼﻮﺭﺓ ﺻﺤﻴﺤﺔ
ﺭﻛﺰ ﻓﻲ ﺣﺮﻛﺘﻬﺎ ﻭﻟﻮ ﺛﺎﻧﻴﺔ
ﺍﻭﻗﺎﺕ ﺗﺸﺒﻪ ﺯﻱ ﺍﻟﻀﺤﻜﺔ
ﻭﺑﺼﻮﺗﻬﺎ ﺗﻄﻠﻊ ﻟﻔﻮﻕ ﻋﺎﻟﻴﺔ
ﻟﻜﻦ ﺍﻟﻮﺿﻊ ﺍﻟﻄﺒﻴﻌﻲ ﻟﻴﻬﺎ
ﻣﺘﺮﺑﺴﺔ ﺗﻜﺸﻴﺮﺓ ﻋﻠﻴﻚ ﻗﺎﺳﻴﺔ
ﺍﻟﺪﻧﻴﺎ ﺗﺸﺒﻪ ﻟﺤﺮﺍﻣﻲ
ﻟﻠﻀﺤﻜﺔ ﺑﺘﻬﺎﺟﻢ ﻭﺑﺘﺴﻄﻮ
ﻓﻴﺎﺭﺏ ﺩﺍﻳﻤﺎ ﺗﺘﻬﻨﻮﺍ
ﻭﻣﻦ ﺍﻟﻔﺮﺡ ﻟﺤﻈﺔ ﻣﺎ ﺗﺘﺴﺮﻗﻮ
ﻭﺗﺘﺴﻌﺪﻭﺍ ﻭﺗﻨﺒﺴﻄﻮﺍ
ﻭﺗﺒﻄﻠﻮﺍ ﺑﻘﻲ ﺍﻟﺤﺎﻟﺔ ﺍﻳﺎﻫﺎ
ﻭﻛﻤﺎﻥ ﺍﻟﻜﻠﻤﺔ ﺍﻟﻤﺒﺘﺬﻟﺔ
ﻣﻦ ﺑﺮﺓ ﺍﻟﻮﺵ ﻫﻼ ﻫﻼ
ﻭﻣﻦ ﺟﻮﺓ ﺑﺲ , ﺍﻟﻌﺎﻟﻢ ﺍﻟﻠﻪ
#ﻣﺒﺴﻮﻃﻴﻦ
ﺍﻟﺸﻌﺐ ﺍﻟﻤﺼﺮﻱ ﺑﻴﺘﻔﻨﻦ
ﺷﻌﺐ ﺍﺻﻼ ﺑﻴﺠﻨﻦ
ﻳﻤﻮﺕ ﻭﻫﻮ ﺑﻴﻨﻜﺖ
ﺣﺘﻲ ﻓﻲ ﻋﺰ ﻋﺰ ﺍﻻﺯﻣﺔ
ﻣﺎﻳﺤﺒﺶ , ﻳﻌﻴﺶ ﻣﺘﻨﻜﺪ
ﻟﻜﻦ ﺳﺒﺤﺎﻥ ﺍﻟﻠﻲ ﺧﺎﻟﻘﻨﺎ
ﺭﺍﻣﻲ ﻓﻴﻨﺎ ﺣﺘﺔ ﺧﻮﻑ
ﻋﻠﺸﺎﻥ ﻟﻤﺎ ﺍﻟﻔﺮﺡ ﻣﺎ ﻳﻤﻼﻙ
ﻣﺎ ﺗﻨﺴﺎﻫﻮﺵ ﺍﻻ , ﻟﻤﺎ ﻟﻠﺤﺰﻥ ﺗﺸﻮﻑ
ﻓﺘﻼﻗﻲ ﺍﻭﻗﺎﺕ ﺍﻓﺮﺍﺣﻨﺎ
ﺗﺪﻋﻴﻪ ﻳﻜﻔﻴﻨﺎ ﺷﺮ ﺍﻟﻈﺮﻭﻑ
ﻭﺧﻴﺮ ﺍﻟﻠﻬﻢ ﺍﺟﻌﻠﻪ ﺧﻴﺮ
ﻭﺗﻘﺮﺍ ﻓﻲ ﺁﻳﺎﺕ ﻭﺣﺮﻭﻑ
ﻭﺭﺑﻚ ﻋﺎﻭﺯﻙ ﻣﺒﺴﻮﻁ
ﻟﻜﻦ ﻣﺎ ﺗﻤﺸﻴﺶ ﺳﻄﺮ , ﻭﺗﻨﺴﺎﻩ ﺍﻟﻮﻑ
مبسوطين ، للاحتياط
ﻛﻠﻤﺔ ﺑﺘﻤﻨﺎﻫﺎ ﺗﻜﻮﻥ ﺁﻳﺔ
ﻟﻜﻞ ﺍﻳﺎﻣﻨﺎ ﺍﻟﺠﺎﻳﺔ
ﻭﺍﻻﻗﻴﻜﻢ ﻑ ﺍﻟﺼﻮﺭﺓ ﻣﻌﺎﻳﺎ
ﻭﻣﻦ ﺍﻟﻀﺤﻚ ﻣﺶ ﻫﺒﻄﻞ , ﻟﺤﻈﺔ ﺳﻜﺎﺕ

من وحى قلمى
الشاعرة / سعاد قنديل