( روباببكيا ) ـ بقلم الشاعر / حسن الصرى

(روباببكيا)
(دجـــــل _ أعمـــال _ رجال اعمال)
الدجال ابن الاعمال
والاعمال هى الازجال
والازجال دى بنت رجال
والرجال هما الاخيار
والاخيار اسياد الناس
وكلام الناس هو الوسواس
والوسواس هو الاحساس
والاحساس بيصنع فوضى
والفوضى دى برة الاوضة
والاوضة فيها اجتماعات
وكلام لازم يتقال
وخطط لاسيادنا البعد ة
وخطط لرجال اعمال
تعمل مصنع
تعمل سحر
اهوكلة عمايل فى الاعمال
بزنس عايش
بزنس فايق
فايق رايق
يبقى الحال دا كلة مزاج
ويبقى تملى الجيب عمران
وبهذا هنقدر ................
دايما نبنى
خراب وندمر
بسم الشعب
هنعبر نقهر
كل خسيس بيندة يصرخ
بالحرية والطعمية
وبكرا هييجى
ياللة ونخلص
م الاصنام
ناس ما بتنتج
ناس ما بتسرق
يبقى الفايدة
اية فايدتها من الكلام
لازم ييجى يوم وهنخلص
م الفقرية
وخلتى بهية
وبكرا هنرمى ورانا كلام
كلام عن فقرا
كلام عن بكرا
وبكرا اهو جى
يجيب الشنطة
تاكل تشبع
عيشة اونطة
وختاما
سلاما
ايها الاصنام
لكم القبر
بس بشرط
لازم نعرف
تدفعوا كام
.....................
توقيع
حسن المصرى