وداعا يا خال شعر / خالد مصطفى

وداعا يا خال
شعر / خالد مصطفى جماعة الالياذة الأدبية بالواسطى
الحزن سارح فى البشر
و له ألف عذر و عذر
سواعى ييجى بالقدر
و مرة فى طعنة غدر
****************
و الموت يسابق الحذر
و يوم ما يسبق ننفجر
و احنا عارفينه من الصغر
العالى منه ينكسر
****************
و اليوم فارقنا الخال
لا هجر و لا ترحال
يا ما علمنا الصبر
من يوم ما كنا عيال
****************
مشيت وراه فى الجنازة
لقيت عروسة المعانى
تايهة ببتشكى الحزازة
تبكى رسول الأمانى
****************
لما وصلنا للضريح
سألته يوصف البدن
طول عمره عايش جريح
ماشى يحايل الزمن
****************
عدى النهار الجميل
و القلب تبكى عيونه
طوت الرحايا الأصيل
و القلب زادت شجونه
***************